MAKALAH NGENAAN BASA SUNDA

MAKALAH BASA SUNDA 
BANJIR

KELOMPOK 1

KELAS IX-C

 HILMI ALI SALAMA 

ASEP ROHMAT

DINDA SAGITA

HESTI ANGGRAENI

MIA PAHMIAH

N. NELVI NATALIA

N. WILAWATI

SMPN 1 IBUN

KAB. BANDUNG

2011-2012

PANGJAJAP

Alhamdullillahi robbil alamin, sagala puji mungguh kagungan Allah dzat anu nyiptakeun alam dunya jeung eusina. Ku rahmatna Allah SWT urang saparakanca tiasa ngarengsekeun  tugas makalah Basa Sunda anu judulna “ BANJIR “. Hatur nuhun ka kulawarga, rerencangan sareng ibu/bapak guru anu parantos ngabantosan urang sarerea nyusun ieu makalah. Sanaos urang teh nete taraje nincak hambalan, seueur  gogoda sareng cocobi, mung alhamdulilah urang saparakanca tiasa ngarengsekeun ieu makalah ku pitulung ti gusti Allah. Hapunten bilih aya kalepatan, kumargi urang nembe di ajar dina ieu pangajaran.kumargi kitu urang miharep kritik jeung saran ti wargi-wargi sadaya nu dipikahormat. Mugi-mugi makalah ieu tiasa mangpaat khususna keur salaku nu nyusun, umumna anu maca. Amin.

                                                          Bandung, Januari 2012

                                                                                    Nu Nyusun  

(i)

DAFTAR EUSI

Pangjajap                                                            

Daftar Eusi

BAB I BUBUKA

BAB II BANJIR

A.   Faktor Anu Ngalantarankeun Banjir

B.   Peran Pamarentah Ngeunaan Banjir

C.   Karugian Anu Dirasakeun Saenggeus Banjir

D.   Solusi Masalah Banjir

BAB III PANUTUP

           A.Kacindeukan

      B. Saran

(ii)

BAB I

BUBUKA

Banjir nyaeta salah sahiji bencana alam anu ngarugikeun urang sadayana, urang sakelompok nyandak tema ieu kulantaran bencana alam ieu ayeuna mindeng kajadian di daerah urang. Contona wae di Rancabali, Talun jeung Majalaya. Urang ngarasa prihatin ku ayana bencana alam ieu kulantaran kajadian wae di daerah urang. Komo deui ayeuna usum hujan, banjir the bisa wae kajadian unggal poe. Sanajan tema ieu atos seueur anu uninga, tapi masih keneh menarik kangge dipedarkeun. Sapertos anu ku urang dipikanyaho tulisan ngeunaan banjir atos seueur pisan jumlahna, bade makalah, warta, atanapi artikel. Tapi, kasadaran masarakat masih kurang pisan ku kituna kelompok urang bade ngabahas tema banjir ieu dina tugas makalah kelompok nu mana dina makalah ieu urang saparakanca bade ngabahas sababaraha poin ngeunaan tema banjir ieu.

Poin ka 1 : Anu Ngalantarankeun Banjir

              2 : Peran Pamarentah Jeung Masarakat Ngenaan Banjir

              3 : Karugian Anu Dirasakeun Saenggeus Banjir

              4 : Solusi Masalah Banjir

BAB II

A.   Faktor Anu Ngalantarankeun Banjir

Faktor anu ngalantarankeun banjir diantaswisna :

-Kurangna Kasadaran Masarakat

Masarakat sok miceun runtah kamana wae, atanapi dipiceun ka solokan jeung walungan anu sok nyebabkeun banjir . Tah si runtah eta teh sok menet di solokan jeung wulangan anu ngakibatkeun banjir.

-Akibat Caina Menet

Upami caina menet, pasti si cai teh moal ngalir kusabab menet ku

runtah.

-Nuar Tatangkalan di Leuweung

Balukar tina nuar tatangkalan teh banjir, lantaran cai hujan teu kaserep ku akar-akar. tatangkalan nu aya di leuweung, cai nu ti gunung teh turun sakabehna ka handap nu ngabalukarkeun banjir.

-Hujan Katutuluyan

Hujan teh salah sahiji faktor anu sering ngalantarankeun banjir upami hujanna katutuluyan. Upamana di Majalaya , Talun, Rancabali unggal aya hujan ka tutuluyan teh tangtos cai anu di walungan sok mudal.

-Runtah

Runtah nyaeta faktor paling utami nu ngalantarankeun banjir. Lantaran ayeuna mah seueur warga masarakat nu miceun runtah dimana wae. Contona walungan di Citarum ayeuna mah tos ka cemaran ku runtah sareng limbah-limbah pabrik anu sok ngalantarankeun banjir.

B.   Peran Pamarentah Jeung Masarakat Ngenaan Banjir

-   Perhartian pamarentah ngeunaan  walungan kedah leuwih ageung, kusabab walungan jadi pamalidan cai timana-mana, jeung di walungan teh masyarakat teu kenging miceun runtah dimana wae lantaran eta teh anu ngabalukarkeun banjir, kedahna mah pamarentah nyadiaan pamiceunan sampah keur warga masarakat, supados teu miceun runtah diamana wae.

-       Pamarentah kudu leuwih negeskeun kana aturan ngenaan penebangan liar  anu geus aya. Ku sabab penebangan liar teh salah sahiji faktor nu ngabalukarkeun banjir. Tatangkalan anu di gunung teh janten panghalang cai turun ka padumukan masarakat.

-        Reboisasi

Reboisasi penghijauan pikeun hutan,tah ieu teh penting keur nyegah banjir. Pamarentah kudu loba ngayakeun program reboisasi keur penghijauan di hutan.

-   Pamarentah teu kenging hare-hare wae kanu ngatasi banjir lantaran eta teh kawajiban pamarentah, salaku pangawasa di masarakat. Jeung pamarentah kudu leuwih tanggung jawab deui dina masalah banjir, kusabab  eta teh bakal ngarugikeun masarakat sareng pamarentah oge  bakal rugi kusabab banjir mah bakal ngaruksak pasilitas umum pikeun warga masarakat.

-    Walungan upami ageung mah moal ngabalukarkeun banjir,kumargi kitu walungan teh kedah di ageungan supados cai teu menet jueng cai lancar palidna.

C.   Karugian Anu Dirasakeun Saenggeus Banjir

-Tembok Raruntuh

Tembok raruntuh kusabab heunteu kuat nahan cai banjir, da sahaeunteuna mah cai banjir teh kacida tarikna janten tembok teh teu tiasa nahan cai banjir eta. Jeung  bumi teh dibendung, supados cai teu lebet ka bumi,upami bendungan teu kiat nahan banjir ngabalukarkeun tembok teh raruntuh.

-Kurangna Cai Bersih

Saenggeus banjir mah cai anu bersih teh kirang, malahan mah sok teu aya cai bersih teh. Lantaran sumur-sumur kaasupan cai banjir anu kotor, matak lamun saenggeus banjir teh sueuer warga masarakat anu meser cai galon kanggo kabutuhan sapopoe. Jeung deuih lamun banjir mah sanyo oge sok kakareueum jadi raruksak.

-Ruksakna Pasilitas Umum

Ruksakna pasilitas umum lantaran ka kareueum ku cai banjir keneh, da saat na teh sok lami. Contona wc umum teu tiasa di angge deui  lantaran aya keneh tilas-tilas banjir misalna leutak, runtah, jeung caina sok tara ngocor,jeung sajabana. Janten masarakat anu kabanjiran teh teu nyaman ngagunakeun pasilitas umum eta. Tapi sanes wc wae, seueur pisan pasilitas umum teh, contona masjid, pasar, terminal, jeung lain sajabana.

-Babarina Kaserang Panyakit

Saenggeus banjir saat, urang teh sok babari pisan kaserang panyakit teh. Sapertos ararateul, leuncangeun, flu ,jeung sajabana. Anu ngabalukarkeun urang babari kaserang panyakit eta teh nyaeta dina cai banjir lantaran dina cai banjir teh kotor jeung seueur bibit panyakit anu ngabalukarkeun panyakit anu tadi.

-Leungitna Harta Banda Sareng Nyawa

Jeung deuih saatos banjir teh seueur pisan anu laleungitan sapertos harta banda. Contona alat-alat rumah tangga, alat-alat sakola, buku-buku pelajaran, jeung sajabana. Tapi harta banda mah tiasa di pilarian keneh sedengkeun upami nyawa leungit mah teu tiasa kagentosan.

-Capena Mersihan Leutak

Upami atos banjir, cape pisan mersihan letak anu kacida kandelna, leuheung upami bumina alit sareng babari pamalidan cai mah, ieu bumi ageung jeung pamalidan caina hese, tangtosna ge kedah ngorbankeun waktos sareng tanaga anu sueuer.

D.   Solusi Masalah Banjir

Solusina masalah banjir mah heunteu lain kedah aya kasadaran ti warga masarakat dina miara lingkungannana. Sapertos :

-         Teu Kenging  Miceun Runtah Dimana Wae

Ayeuna mah tos teu aneh deui upami aya masarakat anu miceun runtah diamana wae. Salah sahijina tempat anus ok diandelkeun teh walungan. Walungan jaman ayeuna mah benten sareng jaman kapungkur,  jaman kapungkur mah walungan teh bararesih heunteu aya runtah, jeung caina oge ngagenclang herang pinuh ku babatuan. Benten jeung jaman kiwari, jaman kiwari mah walungan teh caina kiruh, oge ditambih ku limbah pabrik anu sok dipiceun ka walunagan.

-         Panampungan Runtah

Kulantaran kurangna kasadaran masarakat, pamarentah kedah ngayakeun atanapi ngadamel keur panampungan runtah,

-         Teu Kenging Nuar Tatangkalan (Penebangan Liar) Ilegal

Jaman kiwari sok aya keneh anus ok ngalanggar eta aturan. Ku kituna urang kudu bisa ngalarangna, oge mere conto kumaha alusna. Lantaran upami eta diantep,moal aya leuwueng-leuweung anu asri tur endah,jeung bakal ngalantarankeun banjir. Sabab teu aya tatangkalan pikeun nyerep cai anu ngeunyeumbeu.

-         Kerja Bakti

Kerja bakti teh penting pisan, anu kedah di ayakeun di unggal kampung/desa. Sabab bisa nyegah atawa ngajadikeun solusi dina masalah banjir. Kerja bakti teh kedah diayakeun rutinan, boh 2 minggu sakali atanapi 1 bulan sakali. Upami eta diantep, teu diayakeun kerja bakti bakal ngalantarankeun runtah jeung leutak anu ngabendung.

-         Kudu Silih Ngingetkeun

Ku kituna, urang kudu silih ngingetkeun, silih asah silih asih silih asuh dina miara lingkungan satempat. Ngarah kacipta masarakat anu sauyunan dina sagala rupa masalah.

BAB III

PANUTUP

A.   Kacindeukan

Banjir nyaeta salah sahiji bencana alam anu ngarugikeun masarakat jeung nagara. Banjir dilantarankeun ku paripolah manusa nu teu nyaah kana kaayan alam. Teu saeutik karugian anu dibalukarkeun ku banjir, mimiti dina pasilitas anu aya di lembur raruksak, kakurangan cai anu bersih, panyakit-panyakit anu babari nyerang kana awak manusa, jueng sajabana. Dibandingkeun kauntunganna, banjir seueur pisan karugianna anu di raoskeun  sakumna warga masarakat anu sok ngarasakeun kabanjiran. Tah, kumargi kitu hayu ti ayeuna urang cinta ka alam ku cara tong runtah dimana wae, stop illegal lodging, jeung loba keneh cara anu sejenna anu tiasa dipidamel ku urang sarerea sangkan teu banjir. Dimimitian tina hal anu leutik anu sok kaalaman unggal poe. Contona tong  miceun runtah di walungan. Insya Allah kabiasaan leutik mun dilaksanakeun ku urang sarerea, mangpaatna pasti bakal karaos ku urang jeung incu-incu urang jaga.

B.   Saran

-Pihak Pamarentah

Pamarentah kedah ngayakeun program lingkungan bersih, jeung ngayakeun penyuuhan-penyuluhan ka unggal desa ngeunaan masalah banjir.

-Pihak Masarakat 
Ngayakeun kerja bakti rutin, ngayakeun program desa bersih runtah, jeung ngadukung rencana pamarentah nguenaan masalah banjir anu dinilai tiasa ngatasi masalah banjir.